Arantes Isaac Sarmento

Se ita kontinua la iha interese, no laiha força atu halo ema kumpri lei hahu kedas husi ita nia inísiu da independênsia, maka ho tempu wainhira korupsaun desenvolve nia-an profundu liu iha ita nia let, maka sei difísil liu atu kombate nia.

Hare Perfil

Arantes Isaac Sarmento | Presidente munisípiu Manufahi

ªSe ita kontinua la iha interese, no laiha força atu halo ema kumpri lei hahu kedas husi ita nia inísiu da independênsia, maka ho tempu wainhira korupsaun desenvolve nia-an profundu liu iha ita nia let, maka sei difísil liu atu kombate nia.ª

Arantes Isaac Sarmento, moris iha Suku Letefoho, Posto Administrativu Same, Munisipiu de Manufahi, iha dia 1 de Maio de 1975, hosi maun alin nain sanulu resin rua, (12), feto 4 no mane 8, no oan ba dala sanulu resin ida husi inan Alcina Isaac (matebian), no Aman Jose Doutel Sarmento (matebian), ho naran istima iha uma no familia, sempre bolu Arou. Iha tinan 2003, hari uma kain, hodi kaben ho Rahayu Prasetiani Baptista, no iha oan nain tolu; ida primeiru, naran Fabrizio Baptista Isaac Sarmento, segundo, naran Margareth Baptista Isaac Sarmento, no terseiru, naran Jose Antonio Baptista Isaac Sarmento. Moris iha familia ne’ebé simples tamba iha tempo português aman hanesan funsionario Agrikultura, hamutuk ho Ir. Mario Viegas Carrascalo (matebian), no iha tempo Indonesia hanesan Kepala Dinas Pertanian TK II Kabupaten Manufahi, no inan hanesan ema Agrikultor. Iha tempo sei kiik, Inan ho Aman sempre hanorin ami atu badinas reza no ba Misa, tengki iha honestidade, diak ba ema hotu, mesmu ema halo aát hasoru ita, tengki hatene fo perdua, tengki iha displina.

Hare Perfil
1. Jeografia

Manufahi mak munisípiu  ida husi Timor-Leste, ne’ebé lokaliza iha zona central Timor nian. Munisípiu ida ne’ebé iha foho aas barak, hanesan Foho Cablaki, Foho Manufahi no Foho Liurai iha Fahinehan. Munisípiu ne’e halo fronteira ho Munisípiu Manatuto (este), Tasi Timor (sul), Munisípiu Ainaro (oeste) no Munisípiu Aileu (norte). Munisípiu referido iha postu administrativu 4 : Alas, Fatuberliu, Same no Turiscai ne’ebé inklui 29 suku.
Demográfikamente, Manufahi iha total de populasaun hamutuk 54,498 (tuir Census, projesaun 2017) no densidade populasaun mak 41 ba área 1,326.60 km2. Grupu de populasaun ida ne’e, koalia lian : Tetun, Mambae, Laklei, Tetun Terik no iha parte ki’ik ne’ebé koalia mos bunak no kemak.

2. Toponímia

Hanesan mós ho munisípiu seluk, Manufahi mós iha signifikadu próprio ba naran munisípiu nian. Manufahi mai husi liafuan haat: Maun+Fahe no Manu+Fahi. Tuir istória haktuir katak iha tempu uluk, tinan 1911 no 1912, iha maun ho alin haat nudar coronel ne’ebé ukun rai no reino no entre sira nain haat, sira hakruk ba ida deit, tan ne mak hanaran Maun-Fahe. Tuir versaun selik seluk : Manu no Fahi, tanba iha tempu neba, iha rai Daisua, iha manu aman ida ne’ebé semo tun hodi tuur iha fahi ida nian leten no manu no fahi refere lao sai husi Manufahi ba fatin barak-barak no fila hikas ba Manufahi.

3. Istória

Tuir istória, antes Portugues sira estabelese sira nian autoridade iha rai Manufahi, iha ona autoridade tradisional ne’ebé ukun. Reino Manufahi situa iha parte costa sul Timor nian ne’ebé nudar mos fatin ida ne’ebé mak riku no poderoso iha Timor iha final do século XIX no princípio do século XX, portanto reino ne’e iha ona desde século XVII.
Iha loron 20 de Abril de 1859, liu husi Governador Afonso de Castro estabelese 11 Distritu, Manufahi mos sai hanesan disrtito ida ho nia naran Distritu de Dotic, no nia sede iha Alas ne’ebé komposto husi Manufahi, Alas, Raemean, Cammnassa ho Suai. Iha tempu okupasaun indonésia, Manufahi sai hanesan Distritu no ikus mai sai hanesan munisípiu.

4. Klima

Em termos de klima, jeralmente klima iha Munisipiu Manufahi hanesan ho munisípiu seluk iha Timor-Leste.  Durante fulan maio too julho, média udan mak udan dala rua por semana no durante fulan novembro too Abril médio udan sempre mai horas rua nian laran por dia. Durante fulan agosto too outubro, klima manas no rai maran, sem udan. Klima médio mak husi 23,3C-27,5C.

5. Pontu Interese

Pontu interese husi munisípiu Manufahi mak : Foho Cablaki, Piscina Natural, Estátua Dom Boaventura, Antiga Prisão Weberek, Fatuk Maromak, Tasi Betano, nsst…

Postu administrativu

Planu annual

Tinan Total proposta orsamentu Anexu
No data

Orsamentu Anual Alokadu

Tinan Orsamentu Alokadu
No data
Membrus

Kunhese membru konselhu sira

Arantes Isaac Sarmento
Prezidente Munisipiu Manufahi
  • +67077840152
  • administrador.manufahi@estatal.gov.tl
Adriano da Costa
ADMINISTRADOR DO POSTO ADMINISTRATIVO TURISKAI
  • 78066864
  • adrianodacosta022@gmail.com
Adelino de Araujo Costa
Administrador do Posto Administrativo Same
  • 77304221
  • adelinoaraujo20@gmail.com
Gil Teofilo Amaral
ADMINISTRADOR DO POSTO ADMINISTRATIVO FATUBERLIO
  • +67077304219
  • gilteofiloamaral@gmail.com

© 2020 Administrasaun Munisipiu Manufahi