Nudar ema moris persija halo buat diak, buat ne’ebé mak ninia benefisiu ba interese ema hotu nian, labele tauk atu koalia sai buat ne’ebé mak a’at no defende lia los. Los ho sala laos demokrasia tamba ne’e buat sala ka a’at ne’e bele rihun ida no buat los ho diak ne’e bele ida mesak deit maibé sala nafatin sala no los nafatin los.
Populasaun
60, 536
Área
1643, 73
Lian
Tetun, Mambae, Laklei, Tetun Terik, Bunak, Kemak
Kapital
Same
Manufahi mak munisípiu ida husi Timor-Leste, ne’ebé lokaliza iha zona central Timor nian. Munisípiu ida ne’ebé iha foho aas barak, hanesan Foho Cablaki, Foho Manufahi no Foho Liurai iha Fahinehan. Munisípiu ne’e halo fronteira ho Munisípiu Manatuto (este), Tasi Timor (sul), Munisípiu Ainaro (oeste) no Munisípiu Aileu (norte). Munisípiu referido iha postu administrativu 4 : Alas, Fatuberliu, Same no Turiscai ne’ebé inklui 29 suku.
Demográfikamente, Manufahi iha total de populasaun hamutuk 60,536 (tuir dadus Sensus 2022) no densidade populasaun mak 41 ba área 1643,73 Km2. Grupu de populasaun ida ne’e, koalia lian : Tetun, Mambae, Laklei, Tetun Terik no iha parte ki’ik ne’ebé koalia mos bunak no kemak.
Hanesan mós ho munisípiu seluk, Manufahi mós iha signifikadu próprio ba naran munisípiu nian. Manufahi mai husi liafuan haat: Maun+Fahe no Manu+Fahi. Tuir istória haktuir katak iha tempu uluk, tinan 1911 no 1912, iha maun ho alin haat nudar coronel ne’ebé ukun rai no reino no entre sira nain haat, sira hakruk ba ida deit, tan ne mak hanaran Maun-Fahe. Tuir versaun selik seluk : Manu no Fahi, tanba iha tempu neba, iha rai Daisua, iha manu aman ida ne’ebé semo tun hodi tuur iha fahi ida nian leten no manu no fahi refere lao sai husi Manufahi ba fatin barak-barak no fila hikas ba Manufahi.
Tuir istória, antes Portugues sira estabelese sira nian autoridade iha rai Manufahi, iha ona autoridade tradisional ne’ebé ukun. Reino Manufahi situa iha parte costa sul Timor nian ne’ebé nudar mos fatin ida ne’ebé mak riku no poderoso iha Timor iha final do século XIX no princípio do século XX, portanto reino ne’e iha ona desde século XVII.
Iha loron 20 de Abril de 1859, liu husi Governador Afonso de Castro estabelese 11 Distritu, Manufahi mos sai hanesan disrtito ida ho nia naran Distritu de Dotic, no nia sede iha Alas ne’ebé komposto husi Manufahi, Alas, Raemean, Cammnassa ho Suai. Iha tempu okupasaun indonésia, Manufahi sai hanesan Distritu no ikus mai sai hanesan munisípiu.
Em termos de klima, jeralmente klima iha Munisipiu Manufahi hanesan ho munisípiu seluk iha Timor-Leste. Durante fulan maio too julho, média udan mak udan dala rua por semana no durante fulan novembro too Abril médio udan sempre mai horas rua nian laran por dia. Durante fulan agosto too outubro, klima manas no rai maran, sem udan. Klima médio mak husi 23,3C-27,5C.
Pontu interese husi munisípiu Manufahi mak : Foho Cablaki, Piscina Natural, Estátua Dom Boaventura, Antiga Prisão Weberek, Fatuk Maromak, Tasi Betano, nsst…
Diploma Ministerial (DM.No.48/2016, 30 Setembru) 1) Artigu 61: Missaun: assegura realizasaun husi asaun sira inspesaun nian no auditoria ba organizasaun no funsionamentu orgaun no
Servisu Munisipal Aprovisionamentu Diploma Ministerial (DM.No.48/2016, 30 Setembru) 1) Artigu 16; Missaun: assegura ba apoio tékniku no administrativu ba kada PAM ou AM no
Diploma Ministerial (DM.No.48/2016, 30 Setembru) 1) Artigu 22: Missão: assegura apoio tekniku no administrativu ba kada PAM ou AM no aos orgaun no servisu
| Tinan | Total proposta orsamentu | Anexu |
|---|---|---|
| No data |
| Tinan | Orsamentu Alokadu |
|---|---|
| No data |
© 2024 Autoridade Munisipiu Manufahi
