𝐏𝐀𝐌 𝐇𝐀𝐋𝐀’𝐎 𝐒𝐎𝐑𝐔𝐌𝐔𝐓𝐔𝐊 𝐇𝐎 𝐀𝐌𝐔 𝐏𝐀𝐑𝐎𝐊𝐈𝐀 𝐓𝐔𝐑𝐈𝐒𝐊𝐀𝐈 𝐁𝐀 𝐈𝐌𝐏𝐋𝐄𝐌𝐄𝐍𝐓𝐀𝐒𝐀𝐔𝐍 𝐏𝐑𝐎𝐙𝐄𝐓𝐔 𝐏𝐍𝐃𝐒 𝐇𝐀𝐑𝐈 𝐊𝐀𝐏𝐄𝐋𝐀 𝐅𝐎𝐔𝐍.

𝐓𝐮𝐫𝐢𝐬𝐤𝐚𝐢 𝐊𝐮𝐚𝐫𝐭𝐚-𝐅𝐞𝐢𝐫𝐚, 𝟐𝟐 𝐉𝐮𝐥𝐥𝐮 𝟐𝟎𝟐𝟔.

Exelénsia Prezidenti Autoridade Munisípal Manufahi 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, Akomaña husi Director PNDS Munisípiu ho Ekipa PNDS Postu no Munisípiu ohin hala’o Sorumutuk ho Amu Parókia Turiskai hodi Kolia kona ba Prozetu PNDS ne’ebé maka halo Konstrusaun ba Kapela iha Suku Foho lau no Lesuata. Liu husi Sorumutuk ida ne’e tanba Menus komunikasaun entre Servisu PNDS ho Igreza tanba Antes ne’e Igreza rasik iha ona Planu atu halo Kapela 2 Entre Suku Foho Lau ho Suku Leusata maibe Medida la hanesan ho Implementasaun PNDS nian ne’ebe maka iha, Tanba ne’e tuir Parokia nia hakarak ho Medida; 24 × 9 ba Suku Lesuata no 25 × 10 ba Suku FohoLau, tanba ho Razaun katak ba Futuru Igreza iha ona planu atu hari Estasaun iha Suku 2 refere.

Sorumutuk ne’e iha Exelénsia Prezidenti Autoridade Munisípal Manufahi nia Intervensaun hateten; “Ba dahuluk Hau atu dehan deit katak ohin ita hasoru malu laos tanba Deputadu sira kestiona iha Publiku lae, Maibe ita hasoru malu ida ne’e ita presiza tebes atu hasoru malu dala ruma tanba Tempu ita hotu iha Preokupasaun ho Servisu halo ita la konsege hasoru malu, maibe husi parte Hau nian laos tanba informasaun ne’e fo sai iha Media Sosial maka Ita hasoru malu lae no hau la foti Kestaun ida ne’e sai Kestaun Politika lae, Maibe Hau rona Informasaun katak Amu seidauk Simu Informasaun kona ba atu Hari Kapela foun tanba ida ne’e maka hau mai, Informasaun barak husi Parlametu sira Kestiona iha Plenari kona ba Servisu Autoridade nian Ami nunka tau Kestaun kona ba ida ne’e. Maibe ohin Ita hasoru malu iha ne’e tanba Lina Koordenasaun entre Autoridade ho Igreza ida ne’e maka buat ida Importante tebes, no laos tanba Intervensaun husi Deputadu sira maka Ita tau hirak ne’e ba Kestaun ka Problema ne’e laos buat foun.

Atu dehan mos kata lolos ne’e ita halo uluk Koordenasaun ho diak entre Autoridade no Igreza maibe dalaruma mos laos dehan Ami mak la hatene ka Ami haluhan ida lae maibe dalaruma mos ita fahe Tempu maka la Sufsiente no klaru kata husi Parokia sente Falta Informasaun, Aproveita Oportunidade ida ne’e hakarak husu Deskulpa ba Parte Igreza nian, Atu dehan mos katak Ejijensia hirak ne’ebé maka mai laos Ema ida nian deit lae maibe Ejijensia Sarani no Povu nian, dalaruma mos Hau tetu katak iha Konselu Konsultivu Munisipal Hau kolia mos kona ba ita hari tia Kapela Pois ita nia maluk sira seluk hanesan Musulmanu ka Religiaun seluk ita Presiza Tetu mos Ema sira ne’e tanba Sira mos sidadun Timor tanba ita kolia hanesan Estadu ita tenki iha Inkluzaun tanba ne’e maka dalaruma Ita kolia Asuntu sira ne’e.

Karik hau kolia hanesan Sarani Agradese ba Goverrnu ida ne’e bele tau mos Iha Preoridade ba Hari Kapela ka fati para Ita hodi hahi hanai Ita nia Maromak tuir Ita nia Fiar Katolik nian no Hau fiar katak Estadu iha Hanoin hodi hari Kapela sira ne’e mos la Sala ida tanba la Ses husi Kontribuisaun Igreza Katolik nian ba Luta Rezistensia nian, la Kolia ho ibun katak tanba ida ne’e, Maibe husi asaun sira ne’e atu dehan katak Povu ka Rai ida ne’e fo Obrigadu ba Igreza Katolik, Maibe ita nia Komunikasaun maka dala ruma la to’o ba malu, maibe Hau espera katak ho ita nia Sorumutuk ida ne’e bele iha dalan Klarefikasaun ba malu no Ami hein nafatin husi Parte Igrza nian Apoiu Moral no Orasaun ba Servisu hotu.

Tanba ne’e Hau atu dehan tan dala ida katak hau la iha Kestaun ho Intervesaun husi Deputadu nian Hau mos la iha ketaun ho Intervesaun Politika ne’ebe maka sira halo maibe hau iha Preokupasaun ho Igreza tanba ne’e maka ita hasoru malu iha ne’e maibe ita iha ona informasaun diak ba malu no hau fiar katak ba oin Igreza nafatin hamrik iha Autoridade nia kotuk, no laos hamrik atu defende Politika maibe hamrik atu Apoiu oinsa ita atu Dezenvolve Munisipiu ida ne’e diak liu-tan”.#HatetenPAM#

Iha Sorumutuk ida ne’e iha mos Rezultadu Diak Entre Autoridade no Igreza hodi fo ona Solusaun diak ba malu katak PNDS Kontinua ho Obra ne’ebé hahu ona maibe Medida tuir Igreza nia Desijaun ne’ebe iha tanba ne’e parte 2 iha ona Koperasaun Servisu diak tebes ba Futuru.

Iha Sorumutuk ida ne’e mos hetan Prezesa Husi Amu Parokia Turiskai no Amu Vigariu Turiskai, Prezidenti Autoridade Munisípal, Administrador Postu Turiskai, Komandante PNTL Postu Turiskai ho Ekipa, Koordenador Konselu Pastoral Turiskai ho Ekipa, Diretor PNDS Munisípiu ho Ekipa, no Xefi Suku sira ne’ebé maka hetan mos Konstrusaun Kapela.

“𝐌𝐞𝐝𝐢𝐚 𝐏𝐀𝐌”

Exelénsia Prezidenti Autoridade Munisipál Manufahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, konvoka sorumutu Extra Ordinária ho membru Konsellu Kordenasaun Munisipál iha Salaun Kablaki. Diresaun Servisu Munisipál ida-idak aprezenta progresu servisu ba preparasaun avaliasaun kondisaun minima ba daruak nian no halo konfirmasaun ba prienximentu formatu avaliasaun kondisaun mínima ba daruak nian.

“𝐌𝐞𝐝𝐢𝐚 𝐏𝐀𝐌”

𝐒𝐚𝐦𝐞, 𝟐𝟓 𝐉𝐮𝐥𝐥𝐮 𝟐𝟎𝟐𝟔.

Iha Serimónia husik fonsa’e sira, Prezidenti Autoridade Munisipál Manfuahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, husik hela mensajen balun ba foinsa’e União Nasional Eskuteros Timor Leste Munisípiu Manufahi, atividade Jambore Nasional ne’ebé hala’o iha Munisípiu Bobonaro nia objetivu mak forma karakter no hadomi Ambineti.

Hau nia parabens ba inan aman sira ne’ebé akompaña ita boot sira nia atividade ida ne’e, katak responsabilidade ne’e boot tebes hanesan inan aman, no atividade ne’e hala’o iha Munisípiu Bobonaro, inan aman sira entrega responsabilidade ne’e ba xefi grupu atu kuida sira to’o atividade ne’e remata fila fali mai ita nia Munisipiu ho kondisaun diak.

Iha atividade ne’e ita boot sira aprende barak liu oinsa atu forma joven sai ema ida ne’ebé hadomi Rai ida ne’e, Joven ida ne’ebé iha responsabilidade ba nia aan ba nia familia no ba Sosiade, joven ida ne’ebé badinas estuda, aprende servisu ho ekipa, hadomi malu no respeitu malu, hatudu ijemplu ba malu iha fatin ne’ebé maka ita boot sira konsentra ba, utuliza sasan sira hanesan plastiku, akua mamuk no kalen tau iha lixu fatin ne’e parte ida husi kuidadu ambineti.

Foinsa’e Munisipiu Manufahi hamutuk 23 Antes atu aranka ba Munisípiu Bononaro konsentra iha Jardin Multifunsaun Same, hamutuk ho autoridade Munisipál no Autoridade seguransa akompaña husi Inan Aman sira.

“ℳℯ𝒹𝒾𝒶 𝒫𝒜ℳ”

Exelénsia Presidente Autoridade Munisipal Manufahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, hamutuk ho Diretór SMASA, Xefi Suku Rotutu, Grotu, Betano no Xefi Aldeia sira Partisipa iha Seremonia Lansamentu Projetu Kiwa Preserve no Seremonia ne’e halao iha Novu Turismu Bidau Lisidere Dili.

PRESERVE Pacific Resilience through Secure livelihoods, Ecosystem and Resource management, valued culture and Equity mak projetu reziliénsia klimátika rejionál ida ne’ebé sei implementa iha Timor-Leste, Papua Nova Guiné no Samoa, husi Maiu 2026 to’o Setembru 2029. WaterAid Australia lidera projetu ne’e iha parseria ho Live & Learn no Permatil Global, ho apoiu hosi Inisiativa Kiwa. Projetu ne’e uza solusaun bazeia ba natureza atu proteje ekosistema, haburas seguransa bee no ai-han, no hametin moris-dignu komunidade sira.

Iha Seremonia Lansamentu ne’e iha Diskursu Exelénsia Presidente Autoridade Munisipal Sublina katak: “Iha Timor-Leste, projetu ne’e sei servisu hamutuk ho komunidade iha area mota Karau ulun. inklui Suku Daisua, Rotuto, Grotu no Betano. Ida ne’e importante tebes, tanba bee ne’ebé tun husi foho sempre liu husi Suku sira ne’ebe pertense ba mota boot sira iha Manufahi. Bee hirak ne’e sei sirkula ba natar no tasi. Tanba ne’e, problema no solusaun hirak ne’ebe sei ofrese tenke halo mos ligasaun ho Populasaun sira ne’ebe hela iha parte foho to’o iha rai tetuk.

Hau nota katak projetu ida ne’e sei promove regra tradisionál sira hanesan tara bandu hodi halo reflorestasaun ba mota-ninin, protesaun ba bee matan sira, infraestrutura bio-infiltrasaun, kontrolu erozaun, prátika agroekolójika no projetu ida ne’e mos asegura partisipasaun ema hotu liliu feto, juventude no ema ho defisiénsia.

Hau hakrak sita uitoan kona ba risku no potensialidade territorial iha Munisipiu Manufahi. Autoridade Munisipiu Manufahi iha koordenasaun diak ho MPIE ba elaborasaun PMOT iha Munisipiu Manufahi. Dadus diagnóstiku PMOT hatudu katak Manufahi nia área foho iha ligasaun forte ho area kostál iha sul. Área foho nian iha potensialidade atu produs kafé, kami, ai-fuan no hortikultura, iha sorin seluk iha área kostál iha Betano no Alas, no zona Caraulun no Sahen, iha potensialidade boot ba natar, batar, modo, peska no produsaun alimentar sira ne’ebe orientadu ba merkadu.

Iha sorin seluk mos Exelénsia Presidente Autoridade Munisipal Hodi Povu Manufahi nia Naran hato’o agradese ba Inisiativa Kiwa no parseiru finansiamentu ne’ebé apoia esforsu rejionál ida-ne’e, inklui Uniaun Europeia, França liuhosi AFD, Kanada, Austrália no Nova Zelandia. Dezenvolvimentu iha Munisipiu Manufahi la mai husi instituisaun ida de’it. Ita hato’o agradese ba WaterAid nia apoiu kleur iha Timor-Leste no Manufahi, inklui programa HALIRAS BESI, neʼebé servisu ho Autoridade Munisipál, BTL, PARTISIPA, grupu maneja fasilidade bee no sosiedade sivil atu hametin BESI inkluzivu no reziliente. Ita mós rekoñese RAEBIA, Luta ba Futuru no JICA-GCF ba apoiu iha Suku Aitemua, Turiscai, atu dezenvolve regulamentu suku, mapa utilizasaun rai futuru no Tara Bandu atu proteje floresta, biodiversidade no rekursu naturál. Prosesu konsultasaun komunidade ida-ne’e fó ezemplu di’ak kona-ba lei tradisionál, planeamentu no siénsia bele servisu hamutuk. Ita agradese ba Governu no povu Japaun no organizasaun DEKAPRO ba apoiu istóriku ba kanál irigasaun iha Uma Berloic, Alas; no rekoñese JICA nia kontribuisaun ba planeamentu mestre agrikultura no dezenvolvimentu irigasaun iha nivel nasionál.

Seremonia ne’e Marka Prezensa husi Sua Excelensia Segundu Vice Primeiru Ministru RDTL Reprezenta husi Exelénsia Vise-Ministru ba Operasionalizasaun Ospitál Dr. Flávio Brandão Mendes de Araújo, Sua Exelénsia Membru Governu, Reprezentante Ministeriu no ajénsia nasionál sira Sua Exelénsia Embaixadór Timor-Leste ba Asuntu Klimátiku, Reprezentante Inisiativa Kiwa no parseiru finansiamentu, Reprezentante WaterAid Australia no WaterAid Timor-Leste, Live & Learn, no Permatil Global, Reprezentante parseiru dezenvolvimentu no organizasaun sosiedade sivíl sira.

“ℳℯ𝒹𝒾𝒶 𝒫𝒜ℳ”

𝐒𝐚𝐥𝐚𝐮𝐧 𝐑𝐢𝐚𝐤 𝐋𝐞𝐦𝐚𝐧, 𝟐𝟕 𝐉𝐮𝐥𝐥𝐮 𝟐𝟎𝟐𝟔.

Exelénsia Prezidenti Autoridade Munisipál Manfuahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬,ohin Lidera Sorumutuk Extra Ordinariu Konselu Konsultivu Munisípal akompaña husi Sekretariu Asuntu Sosiál no Organiuzasaun Komunitariu, Sekretarriu Finansas no Administrasaun Munisípal iha Salaun Riak Leman Autoridade Munisípál.

Iha Sorumutuk ne’e Membru Konsellu Konsultivu Munisipál halao apresiasaun ba orden traballu Estabelesementu

𝑆𝑡𝑒𝑒𝑟𝑖𝑛𝑔 𝐶𝑜𝑚𝑚𝑖𝑡𝑡𝑒𝑒 /𝑇𝑎𝑠𝑘 𝐹𝑜𝑟𝑐𝑒. ba Preparasaun hasoru Bai Loro-naruk “EL Niño” iha Munisípiu Manufahi, ho Totál Votus afavor 24 no Kriasaun Grupu Traballu Temátiku sira (Asuntu Ekonómiku, Asuntu Infraestrutura no Asuntu Sosiál) Akompañamentu Konsultivu ba Atividade Dezenvolvimentu Munisípál nian, ho Votus afavor 26.

Entertantu iha Sorumutuk Extra Ordinariu ne’e iha abertura husi Exelénsia Prezidenti Autoridade Munisipál, partisipa husi Konsellu Kordenasaun Munisipál no Parseriu Dezenvolvimentu servisu hamutuk ho Autoridade Munisipál inisia no elabora Proposta Estabelese Ekipa Task Force ba Preparasaun hasoru Bai Loro-naruk “EL Niño” iha Munisípiu Manufahi, no iha Proposta ne’e, Aprezenta husi Diretór Fundasaun Luta ba Futuru Ne’ebe kolobora servisu hamutuk ho Caritas Australia Timor-Leste no WaterAid

“ℳℯ𝒹𝒾𝒶 𝒫𝒜ℳ”

𝐅𝐚𝐭𝐮𝐛𝐞𝐫𝐥𝐢𝐮 𝐒𝐞𝐠𝐮𝐧𝐝𝐚-𝐅𝐞𝐢𝐫𝐚, 𝟎𝟔 𝐝𝐞 𝐉𝐮𝐥𝐥𝐮 𝟐𝟎𝟐𝟔

Exelénsia Presidente Autoridade Munisipal Manufahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, hamutuk ho Director Servisu Munisipal Protesaun Sivil no Jestaun Risku Dezastre Naturais (SM-PCJRDN) Akompaña husi Administrador Postu Administrativo Fatuberliu, Director Servisu Munisipal PNDS, Obras Pública, Asaun Social, PDIM no Koordenador Balkaun Uniku Distribui ai-han Emerjensia ba família vítima hosi Dezastre Naturais Erozaun no Inundasaun Iha Posto Administrativo Fatuberliu ne’ebé mak akontese hafoin udan bo’ot iha fulan-Maiu loron 10 -15 liuba ho total hamutuk uma kain 44 kompostu hosi Suku 2 mak hanesan Suku Fatukahi, Aldeia Weleti, SP3 Iha família vítima afetadu Inundasaun hamutuk uma kain 21 no Iha Suku Caicasa iha uma kain 23 ne’eb”e mak Afetadu husi desastre naturais Inundasaun no rai halai.

Iha Distribusaun Ai-han Emerzensia ne’e , Excelência Presidente Autoridade Munisipal hateten katak; Apoio sira kompostu hosi Aí-han no laos Aí-han hodi hatudu katak governo lokal sempre hamutuk ho ita bo’ot sira iha Kualquer tempo no Governo nafatin Esforsu atu buka Meius oinsa mak bele solusiona ita bo’ot sira nia Problema, Tamba ne’e parte Autoridade Munisípal tau ona iha Planu Orsamentu ba Prevensaun nian, Atu nuné antes udan bo’ot hodi bele Normaliza antes mota ka Be dalan ne’ebe kada tinan sempre fo Afetadu ba Komunidade, no Ita hein katak Ita nia proposta bele hetan aprovasaun husi Governo Central.

Sorin seluk Lider Masimu Munisípiu ne’e akresenta tan katak; “La iha Governu ka estadu ida maka la hanoin diak ba nia povu no Estadu ka Governu ne’e iha tanba ita bo’ot sira hodi tau matan ba nia Povu. Tanba ne’e iha loron hirak liu ba ita halo Operasaun ba Animal Ema balun dehan Estadu ne’e la hadomi nia Povu, estadu ne’e sempre hadomi nia Povu, la iha Desizaun ida mka Governu ne’e halo hodi Estraga fali nia Povu Desizaun sira ne’e mosu atu Ema hotu bele sente diak ne’e ba Ema hotu, hanesan Animal maka ita la tau iha nia Fatin bele Estraga Ema Seluk ne’ebe maka iha Vontade atu halo To’os ka Ema seluk ne’ebe maka iha Vontade atu halo netik buat diak ruma iha nia Kintal ladik tanba ne’e maka tetu to hirak ne’e hotu ita hodi halo ida ne’e. Agradese mos ba Xefi Suku no Administrador Postu ita bo’ot sira nia Kooperasaun diak tebes, kolabora Servisu sira hotu ne’ebe maka Governu halo iha Baze, Agradese mos ba Komunidade tomak ita hare katak Durante Operasaun ne’e lao Komunidade sira Apoiu no Kopera servisu ho diak la Kestiona makas Maske iha Media Sosial Ema ida rua koalia maibe Hau fiar katak laos Sira maka mai hamutuk ho ita bo’ot sira iha ne’e, no hau Fiar katak La iha Estadu ida maka la hanoin diak ba nia Povu.” #HatetenPAM#

“𝐌𝐞𝐝𝐢𝐚 𝐏𝐀𝐌

ANUNSIU SELESAUN BA EMPREZA LOKAL SIRA NE’EBE KOMPETE IHA KONKURSU PUBLIKU MUNICIPAL.

Ho anunsio ida ne’e Autoridade Municipiu MANUFAHI bazeia ba artigo 51° husi Diplima Ministerial No 19/2013, 16 Outubru mai anunsia empreza lokal sira nebe selesionadu tuir prosesu aprovizionamentu PDIM hodi halo konstrusaun obra publika.

𝐌𝐢𝐧𝐝𝐞𝐥𝐮 𝐒𝐚𝐛𝐝𝐮, 𝟐𝟕 𝐉𝐮𝐧𝐮 𝟐𝟎𝟐𝟔.

Exelénsia Prezidenti Autoridade Munisípiu Manufahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬. Akompaña husi Diretor Munisípal no Delegasaun Teritoriais ohin halao Vizita Komunitaria iha Suku Mindelu Postu Administrativu Turiscai, hodi halao Dialogu no rona direita Preokupasaun Komunidade nian iha Baze.

Iha Sorumutuk ne’e Antes hahu Exelénsia Prezidenti Autoridade Munisípiu Manufahi Prezidi Minutu ida hakmatek hodi hasae Homenazen ondra no Gloria ba ita nia Heroi no Heroina Sira hotu Espesialmente ba Familia Enlutada Eis Prezidenti RDTL, Saudozu Dr. Francisco Guterres Lú Olo ne’ebé maka Nai Maromak bolu ona ba hamutuk ho Anju no Santu sira iha Lalehan, Tanba ho Sira nia Sakrefisiu maka ohin loron ida hotu sente Liberdade ida ne’e.

Liu husi Sorumutuk ne’e mos Lider Masimu Munisípiu ne’e hateten; “Liu husi Vizita ne’ebe maka durante ne’e ita halao kada suku ho nia Objektivu maka atu hasoru malau hanesan ne’e atu ita bele koinese malu diak liu tanba dalabarak ita temin dehan Ita ne’e Manufahi maibe dala ruma husi Suku id aba Suku seluk susar tebes ita atu koinese malau, Satan husi Postu ida ba Postu seluk ne’e susar liu. Tanba ne’e maka ita presiza liu husi atividade sira hanesan ne’e para ita bele koinese malu hodi hola parte hanesan famila ida atu nune’e ita bele iha lina Komunikasaun ne’e diak liu hodi hamosu Amizade no Estabilidade hirak ne’e hotu ita halo maka Dezenvolvimentu ne’e bele lao ho diak. Buat hotu atu lao ho diak maske ita iha hanoin ka mehi mesak diak ba ita nia Suku ka Aldeia maka ita la iha Unidade, La iha Amizade maka buat hotu bele diak, haoin hotu bele diak maibe susar ba ita atu Hahu buat ruma.

Tanba ne’e husi Autoridade Munisípiu fo Apresiasaun bo’ot ba Suku Mindelu ho ita Bo’ot sira nia inisiativa bele konvida ona ami mai iha ne’e ita bele hasoru malu diak liu no Ami mos hakarak mai rona direita ita bo’ot sira nia Difikuldade, Problema ka obsataklu sira ne’ebé maka durante ne’e ita bo’ot sira hasoru iha emi nia Suku Laran rasik atu nune’e ita hodi fo hanoin ba malu, La dehan katak remata ita nia sorumutuk ida ne’e ami sai ba ami halo kedas Milagre ba Infraestrutura ba Emi lae, Maibe liu husi Ami nia Vizita sira ne’e Autoridade Munisípiu bele hatene Emi nia Problema kuandu ita lori Problema sira ne’e ba iha Munisípiu liu husi Konselu Konsultivu Munisípal mak Ita nia Administrador Postu sir aka ita nia Xefi Suku sira karik hato buat ruma maka haluhan karik ita bele kompleta malu tanba liu husi Vizita direita hanesan ne’e no Ajuda Autoridade karik atu Foti desijaun ruma bele hanoin hetan ona Problema ne’ebé maka ita bo’ot sira hasoru Durante ne’e hodi bele desidi tuir Preoridade ka Problema ne’ebé maka ita bo’ot sira iha no Preoridade sira ne’e ita fahe ba Parte 2 mak hanesan; 1 Munisípiu bele resolve ho Kapasidade Orsamentu ne’ebe maka iha. 2 hanesan Estrada, Eletrisidade, Saúde ne’e kompetesia tomak ne’e mai husi Nasional. Entaun ida ne’ebe maka Kompetensia iha Nasiona nian ne’e maka ita mai rona hodi hato’o Relatori ba Nasional hodi bele foti Asaun ruma atu nune’e bele hatan ba saida maka ita hotu nia hakarak”.#HatetenPAM#

Ho Prezensa Exelénsia Prezidenti Autoridade nian Komunidade Suku Midelu hato’o sira nia Preokupasau liu-liu kona ba Estrada “Tanba Komunidade Suku Mindelu Mate hanesan mate ne’e maka Seidauk maibe Mate Ki’ik ne’e barak ona’’, Eletrisidade, Konstrui Fatin Turismu Komunitari, Konstrui Eskola Ensinu Primaria Suku Mindelun Aumenta Profisores ba Eskola sira, husu Atu loke Eskola Sekundari ZeraL 31 de Dezembru 1978 Nicolau Lobatu, husu fatin ne’ebé sai hanesan Patrimoniu Estadu Atu hari Sede Suku Foun, no Aumenta Komputer Printer ba Suku hodi bele atende Komunidade sira, husu Atu Fasilita Formasaun ba Funsionari suku sira, no Uma bainaka iha Binanai, husu atu hari Sentru Joventudi, oinsa atu tulun Grupu Feto sira ba Ekipamentu makina Suku Ropa, Homan no Soru Tais, Aytu halo Mudansa ba Agrikultura Tradisional ba Agrikultura ba Modernu.#Kmunidade#

“𝐌𝐞𝐝𝐢𝐚 𝐏𝐀𝐌”

𝐒𝐚𝐦𝐞 𝐓𝐞𝐫𝐬𝐚-𝐅𝐞𝐢𝐫𝐚 𝟑𝟎 𝐉𝐮𝐧̃𝐮 𝟐𝟎𝟐𝟔.

Exelénsia Prezidente Autoridade Munisipál Manufahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, Akompaña husi Diretór PNDS Munisípiu no Xefi Suku Letefoho, Xefi Aldeia Kota-Lala hamutuk ho Lia Nain no Komunidade sira halao Seremonia Lansamentu Kultura Fatuk Dahuluk ba Prozetu PNDS Rehabelitasaun Estrada Rurais (Estrada Betaun) iha Aldeia Kota-Lala Suku Letefoho Postu Administrativu Same.

Iha Seremonia Lansamentu ne’e Exelénsia Prezidente Autoridade Munisipál hateten; “Iha ne’e hau hakarak fo hanoin deit ba ita hotu katak Programa ne’ebe maka husi Estadu mai iha Komunidade ne’e hodi ita kolia kona ba Infraestrutura iha buat rua mak hanesan; Ida maka liu husi PDIM no Ida seluk Maka liu husi PNDS nian agora dadauk ita Implementa direita ba komunidade maka Desidi rasik. Atu dehan iha ne’e katak ba Prozetu ki’ikoan hirak ne’ebe maka mai iha ita nia Suku ita rasik maka tenki sente ona katak ita mak nain ba Prozetu ne’e, Atu nune’e ita hotu-hotu bele kontrola hodi hare Prozetu ne’ebe maka iha Liu-liu Autoridade Komunitariu sira, Katus Lia nain sira hotu karik lao ba hare hela, tanba ne’e Prozetu komunitariu karik ita nia Badaen sira hadia buat ruma haluhan buat balun husu ita atu fo hanoin ba badaen sira ka Hanesan Fornesedor sira maka Fornese karik material ruma ka Ekipamentus sira husu atu fornese ho didiak hodi Finaliza tuir nia tempu ne’ebe maka determina ona atu nune’e Orsamentu ne’e la-bele fila ba Kofri Estadu.

Dala ida tan Prozetu komunitariu sira hanesan ne’e ita tenki tau iha ita nia Konsiensia tanba Prozetu sira ne’e Nain maka ita bo’ot sira husu ita hotu tau atensaun ba Kolabora servisu hamutuk ho Ekipa PNDS ko’ordena malu ho di-diak karik iha buat rukm, Atu fo hanoin mos ba Joven sira atu servisu karik kolia ba malu ne’e Prozetu komunitariu laos Prozetu kompania mak mai halo maibe Orsamentu ne’e ita bo’ot sira nia Ekipa dunik maka zere osan ne’e, karik presiza atu servisu maibe tenki servisu ho Kontribuisaun ho fuan tanba dalan ne’e laos ema husi fatin seluk maka Utilija lae ne’e ita rasiik maka sei utilija dalan ne’e, nafatin sente ita m,aka sai nain ba Obra ne’e”.#HatetenPAM#

Obra ne’e Implementa husi Ekipa PNSD hamutuk ho Komunidade ba Rehabelitasaun Estrada Rurais (Estrada Betaun) Metru 256, Drainazen Metru 15, Moru Satan Rai metro 13, no Box Culver 1 ho Total Orsamentu $. 24,257.00, Kompania ne’ebe mak sai hanesan Fornesedor hodi Fornese Material (Fabrikadu) maka Kompania HERLINA Unip.Lda no Kompania DARIBINARIA Unip.Lda maka Fornese Mateial (Lokal).

“𝐌𝐞𝐝𝐢𝐚 𝐏𝐀𝐌”

𝐒𝐚𝐦𝐞 𝐓𝐞𝐫𝐬𝐚-𝐅𝐞𝐢𝐫𝐚 𝟑𝟎 𝐉𝐮𝐧̃𝐮 𝟐𝟎𝟐𝟔.

Exelénsia Prezidente Autoridade Munisipál Manufahi , 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, Akompaña husi Sekretariu Munisípal nain 3 Realiza Enkontru Konnselu Konsultivu Munisípal hodi Aprezenta no Deskuti mos Agenda Prinsipal 3 ba Membru Konnselu Konsultivu Munisípal.

Iha Agenda tolu ne’e mak hanesan;

1. Estabelesementu Komisaun Traballu ba Acompañamentu Membru Konsellu Konsultivu Munisipal Periodu 2026-2028.

2. Aprezentasaun ba Konfirmasaun no Fiksasaun Naran Aldeia no Suku Foun iha Postu Administrativu Same.

3. Instrumentus ka Materiais Propriu ba Loron Nasional no Munisípal iha Resintu Luak.

Agenda 3 ne’e iha Diskusaun forum hodi hakat ba Votasaun Membru konsellu sira fo Votus Afavor 36 Kontra 0 Abstensaun 0.

Iha Sorumutu ne’e, Intervensaun Exelénsia Prezidente Autoridade Munisipál nian Hateten; “Atividade ida ne’e hanesan bain-bain atividade Regular ne’ebe maka kada Tinan ita realiza dala rua iha Fulan Juñu no Dezembru, dalaruma mos ita bele halo Extraordianariu. Atu dehan mos loron ohin ita iha Agenda 3 ne’ebe maka relevante ba ita, presiza deskuti maibe la taka dalan ka bele hamosu mos hanoin ruma husi membru Konsellu sira bele tau mos hanoin ruma hodi deskuti. Tanba ne’e membru Konsellu sira hanesan Xéfi suku sira mai atu Defende mos Ezijénsia Povu nian iha baze, fo hanoin Servisu Autoridade nian ne’ebe maka diak no ladiak durante ne’e, tau hanoin hamutuk fo ideias sira ne’ebe maka inovativu hodi ajuda servisu Autoridade nian atende ba Nesesidade Povu nian. Hau husu ba ita hotu atu Partisipa ho ativu tanba Krítika malu ne’e buat ne’ebe maka normal, ita la hirus malu ida, ita mai atu deskuti povu nia vida ka Ezijensia Povu nian, tanba ne’e ita hotu bele hato nia hanoin ne’ebe mak inovativu no Konstrutivu, lalikan tauk atu kritika ka hato Sujestaun ruma iha Sorumutuk ida ne’e”.#HatetenPAM#

Iha Sorin seluk mos Xefi Suku Kaikasa lamenta ho Atividade ne’ebe maka Munisípiu orienta liu husi Diretor Gestaun Merkadu no Turismu ho ekipa oho Animal ne’ebe mak husik livre iha Estrada Protokolu sira hodi Preturba Movimentasaun iha Estrada. Tanba ne’e nia husu Atu Diretor Gestaun merkadu ho Ekipa atu hare mos iha nia Suku, tanba loron hirak liu ba nia Suku la hetan Ekipa nia atuasaun ba oho animal iha Suku Kaikasa, ida ne’e Sente Tristi tebes.#Hateten Xefi suku Kaikasa#

“𝐌𝐞𝐝𝐢𝐚 𝐏𝐀𝐌”