Naran Luis Marçal da Costa Tavares (Naran istimadu Asea), Moris iha Suku Letefoho, Postu Administrativu Same, Munisípiu Manufahi, iha Data, 10 Fulan Outubro Tinan 1985. Oan Primeiru husi; Inan naran Palmira da Costa Marçal, servisu hanesan Dona da Casa no Aman naran Marino Correia da Costa Tavares, servisu hanesan Funsionáriu Públiku. Iha maun alin nain 7. Iha tinan 2012 kaben ho Micaela Paula Boavida Leong no hetan Oan nain 3; primeiru naran Fiorety Lina B. Tavares, segundu naran Abigael Paula Tavares no terseiru naran Mirça Raquela B. Tavares.  Relasiona ho fiar, hau fiar Katólika.

Iha tinan 1991 tama eskola Ensinu Primária/SD iha SDN 10 Ailuli; Iha tinan 1998-1999 Eskola Ensinu Pre-Sekundária/SMP iha SMPN 1 Same to 1999, no kontinua fali iha SMPK 2000-2001; Iha tinan 2002-2004 eskola ensinu Sekundáriu iha 28 de Novembro, (husi Eskola primaria to iha Ensino sekundaria hau gosta tebes matéria biologia, Fízika, Matemátika no Siensias Naturais sira seluk)

Eskola Ensinu Superior iha UNTL iha tinan 2004 no hili Fakuldade enjeñeiru Departamentu Konstrusaun Sivil, no foin bele hetan graduasaun iha tinan 2012 tamba wainhira sei eskola hau mos komesa halao ona knar hodi hetan responsabilidade servisu iha município balun hodi atraja tebes hau nia eskola ho rajaun tamba tenki buka osan rasik hodi selu hau nia estudu iha universidade. Wainhira loke vaga ba funsionáriu hau koko aplika no liu iha PNDS iha tinan 2013, no servisu iha Manufahi. Hau hetan promosaun ba Diretór PNDS iha tinan 2018 to’o 2022. (wainhira assume knar hanesan diretór iha dezafiu barak ne’ebé maka hau hasoru laos deit ho servisu maibé oinsá organija funsionáriu lubun ida ne’ebé mak ho karakter lahanesan maibé ho kontribuisaun no vontade kolega funsionáriu sira hotu nian ami konsege hasoru dejafiu sira ne’e hamutuk no ho grasa NAI MAROMAK nian iha tinan 2018-2022 PNDS manufahi sai hanesan ekipa ne’ebé mak solidu ho ninia ejekusaun servisu/programa diak liu iha teritóriu nasionál). Hau mos koko atu involve an iha vida polítika iha tinan 2019 no hetan konfiansa hodi hola parte iha Estrutura postu same iha tinan 2023.

Iha hau nia moris lor-loron hobby/gosta hakiak Animal, Le Livru Historia, Tein. Hau mos gosta inklina an iha Bisnis.  iha konsulta popular 30 Agostu 1999, hau ho hau nia família rekua/halai ba Indonesia Atambua Ami rekua husi Manufahi iha di 16 de Setembro 1999 no Fila Fali iha dia 22 de Outubro 1999.

Nudar ema moris persija halo buat diak, buat ne’ebé mak ninia benefisiu ba interese ema hotu nian, labele tauk atu koalia sai buat ne’ebé mak a’at no defende lia los. Los ho sala laos demokrasia tamba ne’e buat sala ka a’at ne’e bele rihun ida no buat los ho diak ne’e bele ida mesak deit maibé sala nafatin sala no los nafatin los.