Hau Abril dos Reis, moris iha Turiscai loron 05 fulan Abril tinan 1986, husi inan Angelina Barbosa no Aman Matias de Jesus Borges, oan daruak husi maun alin nain sanulu (10) kompostu husi Mane nain ne’e (6) feto ha’at (4). Status kabenain, hari umakain ho espoza naran Juliana Maia Amaral, no kous ba oan mane nain tolu. Oan Primeiru naran Juvençio M.C. dos Reis, sigundu naran Danilio dos Reis no Terseiru naran Denilson Maia dos Reis.
- Hahu hau nia estudu ( Edukasaun Formal):
- Eskola SD.6 Matorec iha tinan 1993 no remata iha tinan 1999
- Eskola iha SMP Negri 1 Turiscai iha tinan 1999 no remata iha tinan 2002
- Eskola iha SMUK São Pedro São Paulo Aliu iha tinan 2002 no remata iha tinan 2005.
- Eskola Universidade iha CRISTAL hahu iha tinan 2018 no remata iha tinan 2022
- Edukasaun Não Formal no Esperensia servisu
- Iha tinan 2006 to’o tinan 2008 hahu kursu Lian Portuges level I to’o level II iha iha Postu Administrativu Turiscai no kontinua ba level III Kursu iha Postu Administrativu Maubisse Munisipiu Ainaro. Aleinde ida ne’e iha tinan 2006 to’o tinan 2009 sai mos hanesan Promotor Saude Familiar (PSF), iha suku Matorec Postu Administrativu Turiscai Munisipiu Manufahi.
- Iha tinan 2009 sai mos hanesan inisiator ba hari Lokal ONG. Luta ba Mudansa no hakna’ar-an hanesan Administrasaun e Finansas iha L.ONG. Refere iha tinan 2009 to’o tian tinan 2011, aleinde ida ne’e, iha tinan 2012 hakna’ar-an mos iha Fundasun Luta ba Futuru sai hanesan fasilitadór ba iha Programa bee-mos.
- Iha Fulan Maio tinan 2025 hau hahu teste ba sai Funsionariu Publik, no husi ida ne’e iha Fulan Jullu to’o Fulan Setembru tinan 2013 hahu tuir Formasaun ba area Finansas iha União Dili no simu Pose ba sai Funsionariu iha Fulan Outubru tinan 2013, no sai hanesan Fasilitador ba Area Finansas ba implementasaun PNDS iha Postu Turiscai Munisipiu Manufahi iha fulan Outubru tinan 2013 to’o tinan 2023.
- Assumi kna’ar hanesan Diretor ba iha Diresaun Ajensia Planeamentu hahu iha fulan Janeiru tinan 2024 ate’ agora.
