𝐈𝐍𝐀𝐆𝐔𝐑𝐀𝐒𝐀𝐔𝐍 𝐁𝐄’𝐄 𝐌𝐎𝐒 𝐈𝐇𝐀 𝐏𝐎𝐒𝐓𝐔 𝐓𝐔𝐑𝐈𝐒𝐂𝐀𝐈.

𝐓𝐮𝐫𝐢𝐬𝐜𝐚𝐢, 𝟏𝟎 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Exelénsia Prezidenti Autoridade Munisípiu Manufahi 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬 akompaña Husi Diretor Obras Públika, Reprezentante Diretor PNDS, Administradór Postu Turiscai Partisipa Seremónia Inaugurasaun Be’e Mos ba Komunidade Suku Liurai Postu Administrativu Turiscai.

Iha Ámbitu Inaugurasaun ne’e, Prezidenti Autoridade Husu ba Komunidade sira Atu Tau matan no kuida Didiak be’e Matan no Fasilidade sira ne’ebé iha; “Ita hotu tenki iha Vontade atu kuidadu buat saida de’it ne’ebé mak Estadu Fo mai ita liu-husi Programa Nasionál Dezenvolvimentu Suku ne’ebé mak mai husi Orsamentu Jerál Estadu nian. Atu dehan ba ita hotu, Orsamentu Jerál Estadu ne’e osan Povu nian, Mai ba povu ida ne’e karik ita sente Osan ida ne’e ita nian ba dala uluk ita tenki sente katak sasan ne’e ita nia Kusta, hanesan infra-estrutura Sira hotu ne’ebé mak hari iha ita nia Suku ida ne’e, ita hotu tenki tau matan no ita tenki sente hanesan ita nia uma ida ne’ebé ita hari ho ita nia osan Rasik. Tenki sente mos hanesan ita nia motor ida ita sosa ho ita nia osan rasik, maka ita tenki kuidadu, karik ita iha ona hanoin hanesan ne’e maka valor husi infra-estrutura hirak ne’ebé mak tama iha ita nia suku ne’e, ita tenki kuidadu rasik ona. Ita la Presija Administradór mak mai kontrola ka nai Xefi Suku sira mak mai kontrola, ita bot sira rasik mak kontrola, tanba Rejultadu ne’ebé mak diak ne’e fo Valor Diak ba ita.

Iha ne’e atu dehan Be’e ne’ebé mak iha ne Ita hotu mak tenki Koidadu ho diak ba tempu naruk.

Ida seluk mos hau atu dehan iha ne’e, Dala ruma hau mai toba iha ne’e Ita boot sira balun bele iha hanoin katak hau mai atu gaiña ita boot sira nia konfiansa, lae, Hau lao ona ba Suku barak ho Intensaun hakarak mai rona direta ita boot sira nia Difikuldade no Problema sira ne’ebe mak durante ne’e ita boot sira sente. Mensajén ba ita boot sira, fó liman ba malu, kria unidade no Estabilidade iha suku to iha Aldeia, tanba ho ne’e mak bele hamosu ona Dezenvolvimentu.

Dala ida tan hau hato’o Parabéns ba suku Liurai imi nia obra ne’e lais no kapas tebes”

Prozetu Kanalizasaun Be’e mos ne’e Responsabiliza husi Programa Nasionál Dezenvolvimentu Suku (PNDS) Regular Siklu VII ho Totál Orsamentu $ 26.675. Be’e Mos Refere Kanaliza iha Tanki Rezervatóriu 1 no Tornera 5 ba Aldeia Bilmanu no Turicai lau.

𝑹𝒆𝒎𝒂𝒕𝒂=

-𝑴𝒆́𝒅𝒊𝒂 𝑷𝑨𝑴 𝑴𝒂𝒏𝒖𝒇𝒂𝒉𝒊-

𝐒𝐀𝐌𝐄, 𝟏𝟐 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Prezidenti Autoridade Munisipiu Manufahi, 𝑳𝒖𝒊𝒔 𝑴𝒂𝒓𝒄̧𝒂𝒍 𝒅𝒂 𝑪𝒐𝒔𝒕𝒂 𝑻𝒂𝒗𝒂𝒓𝒆𝒔, Akompañia Diretór Jeral INAP, 𝐏𝐨𝐥𝐢𝐜𝐚𝐫𝐩𝐨 𝐀𝐦𝐢𝐥𝐜𝐚𝐫 𝐁𝐨𝐚𝐯𝐢𝐝𝐚, Diretora Jerál Toponomia Organizasaun Urbana, Maria Odete Barros Florindo ho Ekipa halao avaliasaun Kondisaun Minimu iha salaun Riak Leman Autoridade Munisipál.

Iha sorumutu ne’e abertura husi Prezidnti Autoridade Munisipál katak, sorumutu ba avaliasaun Kondisaun Minimu iha Manufahi ba dala tolu ona, hodi hare kondisaun sira iha Manufahi liu-husi servisu ne’ebé Autoridade Munisipál halao iha tinan rua, servisu balun Autoridade Munisipál priense ona no servisu balun sei-dauk priense, dadus sira autoridade iha sei hatan, ba pergunta sira, ne’ebé ekipa husi Nasional prepara ona.

Sorumutu ba loron ida ohin importante liu hodi hare ba povu Manufahi nia moris diak, Autoridade prepara ona dadus liu-husi surtahan no servisu tuir mai ekipa sei ba vizita ba iha tereinu hodi hare direita kondisiaun real, nune’e ekipa sei husik hela mensajen balun atu bele hadia diak liu-tan servisu tékniku balun atu nune’e Manufahi iha tinan oin hakat ba Poder Lokal.

“𝑴𝒆𝒅𝒊𝒂 𝑷𝑨𝑴 𝑴𝒂𝒏𝒖𝒇𝒂𝒉𝒊”

𝐃𝐈𝐋𝐈, 𝟏𝟐 𝐃𝐄𝐙𝐄𝐌𝐁𝐑𝐔 𝟐𝟎𝟐𝟓

Exelénsia Prezidenti Autoridade Munisípiu Manufahi 𝗦𝗿. 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬 partisipa atividade Serimónia atribuisaun prémiu no sertifikadu ba Artista Pintura Munisípiu Manufahi ne’ebé nu’udar manan na’in ba Terseira klasifikasaun ba konkursu Arte Públika Konstrusaun da paz ne’ebé realiza husi Gabineti Prezidenti Repúblika ne’ebé hala’o iha Palásiu Presidénsia Repúblika Bairu-Pite Díli.

Konkursu nasionál ne’e, inisiativa husi Sua Exelénsia Prezidenti Repúblika liu-husi Arte & Kultura no Apoiu ba Edukasaun, ho apoiu tékniku hosi Sekretaria Estadu Arte no Kultura (𝐒𝐄𝐀𝐊), envolve artista sira hosi Munisípiu hotu-hotu. Partisipante sira hetan kna’ar atu kria arte públika ne’ebé sai hanesan veíkulu ba espresaun koletiva no símbolu identidade kulturál, nune’e hametin koezaun sosiál no sidadania ativu iha aliñamentu ho valór sira 𝐀𝐒𝐄𝐀𝐍 nian.

Programa Arte Públika refere finansia husi Prezidénsia Repúblika no apoiu Instituisionál no Koordenasaun husi Sekretáriu Estadu Arte no Kultura (𝐒𝐄𝐀𝐊).

Enkuantu manan na’in ba konkursu “𝐇𝐚𝐫𝐢’𝐢 𝐩𝐚́𝐬 𝐥𝐢𝐮 𝐡𝐮𝐬𝐢 𝐀𝐫𝐭𝐞 𝐏𝐮𝐛𝐥𝐢 𝐏𝐮𝐛𝐥𝐢𝐤𝐚” Munisipiu Manufahi hetan 3º Lugar ho Montante orsamentu ho valor ($800) ho mós sertidikadu apresiasaun.

𝙍𝙚𝙢𝙖𝙩𝙖

(Media PAM Mnufahi)

𝐒𝐚𝐦𝐞, 𝟏𝟑 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Exelénsia Prezidenti Autoridade Munisipál Manufahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬 hamutuk ho Sua Exelénsia Visi Ministru Asuntu Parlamentar, 𝐀𝐝𝐞𝐫𝐢𝐭𝐨 𝐇𝐮𝐠𝐨 𝐝𝐚 𝐂𝐨𝐬𝐭𝐚, Inaugura Edifísiu Muzeu Memoriál Munisípiu Manufahi, iha Postu Antigu Same.

Iha serimónia inaugurasaun ne’e, Prezidenti Autoridade hateten, uma ida ne’e marka-tan istoria ba Manufahi oan sira hotu. Liu-husi uma ida ne’e Manufahi oan sira, konta sira nia istória kona-bá libertasaun Pátria ne’ebé hatutan husi Dom Boaventura ho nia Aswa’in sira nia mehi ba ukun rasik-aan.

Ho ezisténsia uma Muzeu Momoriál ne’e bele fasilita veteranu veterana sira atu mai presta informasaun no konta istoria halo lolós hodi konserva no prezerva istória sira halo didiak, hodi bele hafasil jerasaun sira atu bele hatene no aruma istória sira iha fatin ida deit.

Iha prosesu libertasaun Pátria Timor-oan barak mak fila-kotuk ba-malu tan deit diferenti hanoin, maibé sira hotu iha interese atu rai ne’e sai diak, ho pasadu ne’ebé moruk, maibé ida ne’e mak istória, atu nune’e fasilita jerasaun sira atu buka hatene didiak istória. Iha uma ida-ne’e, iha prosesu ba libertasaun Patria, liu-liu ba Manufahi.

Husu ba ema hotu atu mai konta istória lolos no mo-mos atu nune’e labele prejudika jerasaun sira tuir mai, nasaun ida ne’e nia abut mak istória, ita hotu hatene la iha nasaun ida mak la iha nia istória. Kada nasaun iha nia istória rasik, liu-husi istória mak hamosu sentidu nasionalizmu, liu-husi istória mak hamosu sentidu patriotizmu, liu-husi istória mak hamosu vontade ema ida nian hodi dezenvolve rai no povu iha nasaun ida.

-𝐌𝐢́𝐝𝐢𝐚 𝐏𝐀𝐌 𝐌𝐚𝐧𝐮𝐟𝐚𝐡𝐢-

Same, 09 Dezembru 2025

Relasiona ho esforsu estadu Timor-Leste Nian, liu-husi SUA EXELÉNSIA PRIMEIRU MINISTRU KAYRALA XANANA GUSMÃO, dau-daun ne’e halo hela NEGOSIASAUN FRONTEIRA TERRESTRE ENTRE TIMOR-LESTE HO INDONÉZIA, no ho esforsu sira nee hotu iha diskusaun ITA FIAR SEI HETAN SUSESU. TANBA NE’E, PREZIDENTI AUTORIDADE MUNISIPÁL MANUFAHI husu bá Diretór Servisu Munisipál, Dirijentis Delegasaun Territoriál, Dirijentis Instituisaun Guvernu, Dirijentis Organizasaun Naun-Governamentál, Funsionáriu, Estudantes No Komunidade Sira Hotu Atu Partisipa Iha SELEBRASAUN MISSA AGRADESEMENTU IHA IGREJA Paróquia Nossa Senhora Assunção Same, Kuarta-Feira, 10 Dezembru 2025, Oras Tuku 16:00 Loro Kra’ik.

OBRIGADU WA’IN.

Exelénsia Prezidenti Autoridade Munisípiu Manufahi 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬 Akompaña husi Administrador Postu Fatuberliu, Director PNDS, Diretór PDIM, Diretór Jestaun Merkadu no Turizmu, no Diretora Edukasaun Munisipal partisipa Seremónia Inaugurasaun ba Eskola EBF Quirantetuk.

Iha Seremónia Inaugurasaun EBF Quirantetuk ne’e, Prezidenti Autoridade Munisipál Iha nia Intervensaun

hateten “Husu ba ba ita hotu tenke iha dever atu ta matan no iha Responsabilidade ba Obra ne’ebé mak iha, karik aban bain-rua iha nia fasilidade balun mak Falla, husu ita hotu atu Fo oiuan ita nia sakrifísiu, ita nia kontribuisaun balun. La haluhan mos agradese ba PNDS, ba Ekipa Jestaun Suku no Komunidade sira hotu iha ne’e tanba ho ita boot sira nia Kontribuisaun no Prontidaun sira hotu ne’ebé mak diak, mak ohin loron ita finaliza ona Obra bot ida ne’e ho nia Kualidade diak “

Responsável ba konstrusaun Eskola EBF Quirantetuk ne’e Konstrui husi Programa Nasionál Dezenvolvimentu Suku (PNDS), Eskola refere iha Sala Tolu no Haris Fatin ida ho Totál Orsamentu, Montante $ 48.000.

=Remata=

-Média PAM Manufahi-

Exelénsia Prezidenti Autoridade Munisípiu Manufahi 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬

Partisipa Enkontru Grupu Traballu Liña-Ministeriál ho Secretaria Estado Igualdade (SEI) kona-bá Programa Prioridade Governu nian ba Promove Igualdade iha Tinan 2025 no Aprezenta kona-bá Progresu no Dezafius husi Implementasaun Polítika Igualdade Jéneru iha Autoridade Munisípiu ka iha Ministériu ida-idak Durante Períudu 2025.

Enkontru ne’e Hala’o iha Salaun Maria Gurrete (SEI) Kaikoli Dili Timor-Leste.

-𝑴𝒆́𝒅𝒊𝒂 𝑷𝑨𝑴 𝑴𝒂𝒏𝒖𝒇𝒂𝒉𝒊-