𝐒𝐚𝐦𝐞, 𝟏𝟑 𝐍𝐨𝐯𝐞𝐦𝐛𝐫𝐮 𝟐𝟎𝟐𝟔.
Exelénsia Prezidenti Autoridade Munisípiu Manufahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, Partisipa iha Enkontru koordenasaun entre entidade relevante sira no órgaun eleitoral, ne’ebé maka sei aborda asuntu kona-ba Resenseamentu Eleitoral no Atualizasaun Baze Dadus (RE-ABD), nu’udar preparasaun ba Eleisaun Prezidensiál 2027.
Objetivu Enkontru ne’e mos atu diskute no buka alternativa hamutuk hodi enkoraja no mobiliza Sidadaun eleitor sira atu resensea no atualiza Kartaun Eleitoral Biometriku, nune’e bele asegura asesu no Oportunidade ba Sidadaun sira atu ezerse sira nia Direitu Siviku no Politiku liu husi Partisipasaun iha Eleisaun Prezidensiál 2027.
Iha Abertura Lider Masimu Munisípiu ne’e hateten; “Hau hakarak hato’o hela ba Parte CNE katak husi Munisípiu rasik halo Esforsu lubuk ida Liu husi Notariadu, Estae, Balkaun Uniku, hodi halo hela atendementu sira Esforsu hodi ba to’o iha Suku no Postu sira, ho Fasilidade ituan ne’ebé maka iha, no mos Istalasaun lina Internet ba Suku sira mos hodi halo mos atendementu sira hanesan ne’e maske seidauk Masimu maibe liu-husi Fasilidade sira hanesan ne’e ita Nafatin Esforsu oinsa atu bele halo atendementu sira ne’ebé diak.
Husi ida ne’e hau fiar katak ita nia Atividade hanesan ne’e laos ita foin halao maibe ita halao bei-beik ona dala barak tanba ne’e hau husu karik atividade sira hanesan ne’e karik konvite ne’ebé maka to’o iha Autoridade komunitari sira nia fatin tenki tau Konsiderasaun ba Konvite ne’ebé maka ita hetan.
Maibe atu dehan katak Atividade ne’ebé maka ita halo ne’e atu hodi atende ita nia Povu ka Komunidade Rai ida ne’e nian maske dalaruma mos informasaun sira ne’e la to’o ba iha ita bot sira maibe ita rona husi ita nia maluk balun Diak liu ne’e maka ita nia Partisipasaun, Tanba husi ida ne’e karik maka ita iha Difikuldade balun husu atu ita koordena ho Autoridade hodi nune’e oinsa maka ita bele Fasilita-malu iha Situasaun sa-ida deit ne’ebé maka iha, Enkontru sira hanesan ne’e mos hodi Elabora mos ita nia hanoin bajeia ba Problema ka Dezafiu iha Suku ida-idak nian hodi bele pasa Informasaun ba malu atu nune’e ita bele Fasilita malu mos, tanba hau Fiar katak husi Suku-ida ba Suku seluk ka husi Postu ida ba Postu seluk nia Problema ne’e la hanesan, tanba ne’e liu husi informasaun sira ne’ebé maka ita hetan husu atu ita Koordena ba malu nafatin”.#HatetenPAM#
“𝐌𝐞𝐝𝐢𝐚 𝐏𝐀𝐌”

© 2026 Autoridade Munisipiu Manufahi