𝐌𝐚𝐧𝐮𝐟𝐚𝐡𝐢, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟐𝟎 𝐝𝐞 𝐌𝐚𝐢𝐨 𝟐𝟎𝟐𝟔

Autoridade Munisipál Manufahi hamutuk ho Povu Munisípiu Manufahi tomák hala’o selebrasaun ba loron Restaúrasaun Independénsia Repúblika Demokrátika de Timor-Leste (RDTL) ba dala 24° 20 de Maio 2002 no 20 de Maio 2026 iha Munisípiu Manufahi, ne’ebé hala’o iha Parki Luak Dom Boaventura Same Manufahi.

Serimónia selebrasaun Loron Restaúrasaun Independénsia iha Munisípiu Manufahi 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Manufahi, maka sai hanesan inspectur ba cerimonia hodi hala’o inspesaun parada kontinua lidera 1 (um) minutu de silensiu.

Hafoin Içar Bandeira Nasionál kontinua rona diskursu husi Sua Exelénsia Prezidente da Repúblika 𝐷𝑟. 𝐽𝑜𝑠𝑒́ 𝑅𝑎𝑚𝑜𝑠 𝐻𝑜𝑟𝑡𝑎 liu husi transmisaun direta iha Kanal Radio Televisaun Timor-Leste (RTTL) iha Tasi Tolu Díli.

Iha Serimónia Solene ne’e Exelénsia Prezidente Autoridade Munisipál Manufahi Luis Marçal da Costa Tavares hato’o parabens ba Povu Timor-Leste laran tomak no Espesial ba Povu doben Munisípiu Manufahi ne’ebe ohin maske ho klima udan bo’ot maibe sei nafatin firmi hodi festeza ba loron Komemorasaun Restaúrasaun Independénsia ba dala 24° 20 de Maio 2026 ho tema “𝙟𝙪𝙣𝙩𝙤𝙨 𝙘𝙤𝙣𝙨𝙩𝙧𝙪𝙞𝙧𝙚𝙢𝙤𝙨 𝙪𝙢𝙖 𝙥ᵃ́𝙩𝙧𝙞𝙖 𝙘𝙖𝙙𝙖 𝙫𝙚𝙯 𝙢𝙖𝙞𝙨 𝙟𝙪𝙨𝙩𝙖, 𝙞𝙣𝙘𝙡𝙪𝙨𝙞𝙫𝙖 𝙚 𝙧𝙚𝙨𝙞𝙡𝙞𝙚𝙣𝙩𝙚”.

Lider másimu iha Munisípiu Manufahi ne’e mos Akresenta katak; Luta naruk ne’ebé maka ita liu husi luta Avo 𝐷𝑜𝑚 𝐵𝑜𝑎𝑣𝑒𝑛𝑡𝑢𝑟𝑎 nian ba rai ida ne’e mak ohin loron ita Selebra tinan 24, Ita labele dehan Nasaun ida ne’e Joven beibeik no hanesan joven ida karik nia idade 24 ona nia bele hatene buka rasik nia moris ona, Maibe ne’e Nasaun ita sei labele kompara ho Ema, ita aprende buat barak Durante tinan 24 ona, tanba ne’e liu husi Selebrasaun ida ne’e husu ita hotu-hotu fo liman ba malu Mantein Unidade hadomi Rai ida ne’e espesialmente Munisípiu ida ne’e, Tanba Munisípiu ida ne’ebé maka hola parte ba História ba Nasaun ida ne’e nian, hola Parte mos iha História importante ida ne’ebe maka bele motiva, bele inspira Erói sira hotu ne’ebé fó an ba Rai ida ne’e.

Loron ida ohin ne’e laos deit Loron atu ita Festeza hamutuk deit, maibe oinsa ita atu koinese malu daik liu tan, Tanba liu husi ita koinese malu mak ita bele hari Unidade ne’e metin liu tan.

Atu dehan mos Durante loron ira ba kotuk ita nia famila sira ne’ebé afeta ba Inundasaun no Erosaun kada suku no Aldeia sira ita hotu hato’o sintimentu Tristeza ba sira liu husi Autoridade nia vizita ba iha fatin Afetadu sira la ba halo buat barak, la ba halo milagre ba sira maibe ho kbi’it ne’ebé maka ita iha it aba sente hamutu saida mak ita nia Familia sira sente, ho situasaun sira ne’e atu ita bele iha ona hanoin ba Desijaun ruma ita atu foti iha nivel Konselu Munisipál ita sura mos ho buat hirak ne’e hotu, nune’e mos Postu no Suku sira atu hoti Problema ruma mai Deskuti iha Munisípiu tetu mos ho Situasaun sira ne’ebé akontese ona tanba iha Preoridade balun ne’ebe maka importante liu Preoridade sira seluk no Servisu Munisípál sira presiza halao ona ita bo’ot sira nia Servisu ho masimu atu servi ho Forsa tomak ne’ebé maka iha Esforsu hodi Apoiu ita nia Komunidade sira.

Hare malu hanesan Familia atu nune’e bele fo hanoin ba malu labele sente katak distansi entre diresaun ida ho mdiresaun selu ka fatin ida ho fatin seluk, fo hanoin ba malu hanesan maun alin ka Familia ida iha Munisípiu ne’e fo liman ba malu kria estabilidade tanba ho estabilidade mak hodi hari Paz, Kuandu iha Paz Dezenvolvimentu sei mai.

Iha Seremonia ne’e Partisipa husi Komandante Do Komando PNTL Munisipiu Manufahi Superintendente Xefe Polísia 𝐌𝐚𝐫𝐜𝐮𝐬 𝐒𝐞𝐪𝐮𝐞𝐢𝐫𝐚 𝐍𝐮𝐧𝐞𝐬 𝐋𝐢𝐜.𝐂𝐒𝐇, Prezidente Autoridade Municípiu Manufahi 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, Prezidenti AFMADEN Sra, 𝐋𝐞𝐢𝐥𝐚 𝐝𝐚 𝐂𝐨𝐬𝐭𝐚 Prezidente CCLN Municípiu Manufahi, Sr, , 2º Komandante PNTL Municípiu Manufahi Superintendente Asistente Polísia 𝐀𝐧𝐭𝐨𝐧𝐢𝐧𝐮 𝐅𝐞𝐫𝐧𝐚𝐧𝐝𝐞𝐬, Komandante Destakado Postu Naval Betano, veteranu sira, Diretor Delegasaun Teritoriais no Munisipais hotu funsionáriu públiku iha Autoridade Municípiu Manufahi, no komunidade husi suku 8: Letefoho, Babulu, Holarua, Tutuluru, Betanu, Daisua, Grotu no Rotutu.