Exelénsia Prezidente Autoridade Munisipál Manufahi , 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, hamutuk ho Komisaun Funsaun Publik no Diretora Nasional Reprezenta Administrasaun Estatal, Partisima Seremónia Posse ba Diretor no Diretora Servisu Munisípal, Xefi Departamentu no Xefi Seksaun Autoridade Munisípal Manufahi hamutuk nain 20 Atividade ne’e hala’o iha Salaun Riak Leman Autoridade Munisipál Manufahi.

Iha Sseremonia Posse ne’e Exelénsia Prezidente Autoridade Munisipál hato’o nia Intervensaun kata; Manufahi ne’e ita hotu-hotu nian ba se deit mak Prontu hakarak atu mai servi Manufahi ne’e odamatan nak loke ba se deit bele mai tanba Manufahi ne’e ita hotu nia, tnba ne’e hanesan ita hirak ne’ebe mak ba ita hirak ne’ebe simu knar ne’e ho responsabilidade bo’ot iha ita hotu nia kabas.

Responsabilidade ida mak mai ho ruin no ran mai ho sakrefisu ida bo’ot tebes

Ida seluk mak ohin loron ita hirak nia responsabilidade mak atu hatutan futuru Rai no Povu ida ne’e nian.

Konfiansa ne’ebe mak ita fo ba malu Labele hare ba Interese ida-idak nian maibe tenki hare ba Knar no Dever ne’ebe mak ita atu halo.

Iha ne’e ita halo mudansa ba dala 2 ona atu dehan katak ita hakarak tau ida ne’ebe mak los iha knar fatin ida ne’ebe mak los liu, no ida ne’e mai laos tanba intrese ruma lae maibe mai tanba liu husi esperensia ruma ne’ebe mak ita lao ka akompina malu durante ne’e mak liu husi avaliasaun sira ne’e hotu mak ita halo mudansa hirak ne’e, liu husi mudansa ne’ebe mak iha laos ita atu asegura malu ka servi ba individu ida lae maibe mudansa ne’e iha tanba hakarak atu hadia sistema ka servisu sira iha Autoridade ne’e.

Parabeins ba ita bo’ot sira hotu halao servisu didiak ba espera katak ho knar sira ne’e hotu it abele asumi ita nia knar hodi halao ita nia servisu la iha tauk, la iha Presaun, la iha intrese ba individu ida.

Liu husi mudansa hirak ne’e atu hodi fo hanoin ida mai ita katak Manufahi ne’e ita hotu-hotu nian, tanba akontese ona iha Tinan barak nia laran ita temin ita ne’e Manufahi oan maibe Same mesak deit mak Reprezeta Manufahi tanba barak liu mak Asumi knar sira ne’e so Same deit maibe ohin loron ita halo Mudansa ba Postu 3 seluk mos bele Asumi hotu knar, tanba ne’e atu halo mudansa labele tauk atu foti Risku, Labele ema dehan Zona Aman, tanba liu husi buat ida ema dehan Zona Aman ne’e mak ita nafatin-nafatin hanesan ne’e dei, maibe ita ho brani atu foti risku mak ita brani iha vizaun atu atinji ita nia mehi sira.

Ida seluk mak ita presija unidade ne’e mak buat ida Inportante tebes mai ita tanaba

Ita hotu-hotu mai iha ne’e ho kor partidu politika keta-ketak, Parte hotu-hotu se deit husi Organijasaun sira, se mak ezisti iha Manufahi ita hotu iha Direitu tomak atu servi Rai ida ne’e, labele fahe malu tanba intrese politika, labele fahe malu tanba intrese Grupu, labele fahe malu tanba Familia, maibe tau intrese komun iha oin par abele Servi ho lolos.

“𝑴𝒆𝒅𝒊𝒂 𝑷𝑨𝑴 𝑴𝒂𝒏𝒖𝒇𝒂𝒉𝒊”