𝐋𝐮𝐚𝐤, 𝟑 𝐌𝐚𝐫𝐜̧𝐮 𝟐𝟎𝟐𝟔

Exelénsia Prezidente Autoridade Munisipál Manufahi , 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, Sai hanesan Inspetor ba Seremonia hasae Bandeira nasional RDTL ba Komemorassaun Loron Nasional Veteranus ba dala 9 iha Munisípiu Manufahi.

Iha ambitu Seremonia hasae Bandeira Nasional RDTL ne’e liu husi Deskursu Exelénsia Prezidente Autoridade Munisipál hateten;

Liu husi Selebrasaun Loron Espesial ida ne’e atu ita hotu fó Ondra no Gloria ba ita nia Luta nain ka As-wain Veteranus sira ne’ebe fo sira nia vida tomak hodi lakon sira nia Familia, lakon sira nia tempu hotu hodi Liverta povu no Rai doben Timor-Leste sai Nasaun Demokratika.

Entaun ho Vontade ka Pensamentu hirak ne’ebe mak ita nia beiala sira husik hela mai ita liu husi ita nia Veteranus sira nia vontade ida ne’ebe Sira Luta hodi lakon sira nia Familia, hodi lakon sira nia Vida ba sakrefika an ba hakarak ukun rasik an,ba sira ne’ebe mak to ohin loron sei moris sira sei nafatin Sakrefika sira nia an tanba hakarak Dezenvolvimentu Rai ida ne’e , Tansa mak ita ne’ebe foin sae ne’e labele.

Ho ida ne’e husu ba ita hotu-hotu atu banati tuir ita nia Veteranus sir aka ita nia funu nain sira nia lalaok, tenki Servisu maka’as, aprende maka’as, Rona ho diak, rona hodi bele Aprende, Rona Para bele Komprende kopera malu ho diak, tau Unidade iha Preoridade Unidade ne’e sai Preoridade ba buat hotu-hotu Respeitu malu, Respeita veteranus sira, buat ruma ne’ebe mak ita rona ka ita Asisti mak la dun lao tuir vijaun ne’ebe mak iha ita hotu, liu-liu ba sira ne’ebe maka agora daudauk jere hela Governu local atu labele hakfodak ka trauma ou alergi ba kritika sira hotu, tanba liu husi kritika sira hotu ne’e oinsa atu fanun no fo hanoin ba ita atu hodi hadia Rai ida ne’e.

Ba ita hotu-hotu Dezenvolvimentu ba Rai ida ne’e buat ida ne’ebe mak mais Importante ho Maneira ema ida-idak nian, ho Vijaun ema Ida-idaki nian maibe ho Objektivu ne’ebe ida deit, tanba hakarak Dezenvolve rai ida ne’e. Tanba ho ida ne’e ita nafatin Simu malu ba, Tau Unidade ne’e mak Pilar ida Importante liu, karik buat ruma mak sente ladun diak ita nafatin Firmi iha oin hodi kolia no tau iha klaran para ita bele Diskuti atu nune’e ita nia Objektivu ida atu hodi dezenvolve Manufahi ita bele atinji.

Manufahi oan nia Preparasaun ba Kamra Munisípal la fasil ita atu hakat to’o iha ne’eba, servisu Governu local nian ida ne’ebe ita tenki halo mak ita halo ona maske la Diak liu ka la Prefeitu maibe Pelomenus ita hetan ona Avaliasaun Klasifikasaun Muintu Boum iha Avaliasaun Kondisaun Minimu Entre Munisípiu hirak ne’ebe mak la kategoria Avaliasaun Muntu Boum.

Ida ne’e laos servisu Administrasaun Publik nian deit, Maibe ne’e Servisu Manufahin oan tomak nian ka Ita Hotu-Hotu nian.

Ho ida ne’e mak servisu ida ne’ebe mak ita iha Responsabilidade ne’ebe mak bo’ot liu iha ita hotu nia kabas maka; Tenki kria Unidade, simu malu, tau hanoin hamutuk. Maka Avaliasaun tuir mai hanesan liu husi Vizita PM nian hodi hatudu katak liu husi rejultadu Avalisaun ne’e hatudu dunik katak Manufahi Prontu dunik ona ba simu Kamra Munisípal.

“𝐌𝐞𝐝𝐢𝐚 𝐏𝐀𝐌”