𝐒𝐀𝐌𝐄, 𝟎𝟐 𝐌𝐚𝐫𝐬𝐮 𝟐𝟎𝟐𝟔

Iha Seremonia Hasa’e Bandeira Nasional ne’e Exelénsia Prezidente Autoridade Munisipál Manufahi, 𝐋𝐮𝐢𝐬 𝐌𝐚𝐫𝐜̧𝐚𝐥 𝐝𝐚 𝐂𝐨𝐬𝐭𝐚 𝐓𝐚𝐯𝐚𝐫𝐞𝐬, mak Sai hanesan inspector ba Seremonia refere no Exelénsia Prezidente Autoridade hato’o PARABÉNS ba ita hotu iha ne’e, liu-liu ba Responsável sira ne’ebé mak toma konta ba hasa’e Bandeira RDTL loron ohin nian.

Atu informa ba ita hotu iha ne’e, iha fulan Marsu ida ne’e, ita sei iha eventu 3 mak hanesan; iha loron 3 Fulan Marsu, Komemorasaun loron Nasionál Vetranu nian iha Luak, Autoridade Munisipál servisu hamutuk ho Prezidenti Konsellu Kombatentes Libertasaun Nasionál Manufahi nian, ba preparasaun sira iha Luak, husu ita hotu atu partisipa ho máximu. Loron 8 fulan Marsu, ita sei iha seremónia Lansamentu Bé mós no Estrada Betano-Fatuberliu no iha loron 9 fulan Marsu, Vizita Ofisiál Sua Exelénsia Primeiru Ministru nian iha Manufahi, no sei halo enkontru ho Autoridade Munisipál Manufahi iha Salaun Parokiál Same.

Eventu sira ne’e hanesan informasaun jerál ida ba ita hotu hodi bele ajenda atividade sira ne’ebé sei implementa iha fulan Marsu.

Iha vizita Ofisiál SE. Primeiru Ministru nian, atu termina destinu rai ida ne’e nia futuru ida lolos, Autoridade Munisipál Manufahi, ho nia esforsu tomak tuir kbiit halao servisu iha tinan 2024-2025, no ba avaliasaun kondisaun Mínima hetan valorizasaun husi Ministériu/Guvernu Sentrál, hamutuk ho Munisipiu sira seluk.

Husu ba funsionáriu sira atu vizita no konversa ho komunidade sira husu sira nia hanoin, buka hatene sira nia nesesidades, fahe informasaun kona-bá servisu atendementu/administrasaun públiku nian, liu-husi konversa bele hametin estabilidade no haburas ita nia unidade atu iha responsabilidade ba malu ho ida ne’e deit ita bele hatutan mehi avo beiala sira nian, ba libertasaun povu.

Munisípiu Manufahi nia kondisaun la diak-liu hanesan Munisipiu sira seluk liu-liu ba fasilidade sira, maibé ne’e kabe ba nasionál nia kompeténsia, ita lao ho ita kbiit to’o ohin loron Manufahi, Munisípiu ida ne’ebé iha kondisaun hakat ba Poder Lokál.

Hau nia vizita ba komunidade, sobre dezenvolvimentu sira ne’ebé iha Mandatu Governu ida hala’o iha rai Manufahi no partilla mós informasaun ba Komunidade sira, kona-bá Poder Lokál, oinsa ita nia preparasaun simu poder lokál, disijaun iha Povu nia liman, lia los ita iha obrigasaun atu koalia ba mlau to’o iha ne’ebé deit. Husu ba Funsionáriu sira atu respeitu malu ba kanr ne’ebé iha, ho respeitu malu hodi fó susesu ba servisu iha Instituisaun ida, labele adora no tauk fali knár, pozisaun ne’e provizóriu.

(hateten SE PAM)

“𝑴𝒆𝒅𝒊𝒂 𝑷𝑨𝑴”